బాలికను వేధించిన వ్యక్తికి జైలు శిక్ష

శివంపేట్‌ మండలంలో బాలికను ఫోన్‌లో వేధిస్తూ, అసభ్యకర చిత్రాలు పంపాలని కోరడంతో పాటు బెదిరింపులకు పాల్పడిన వ్యక్తికి ఫాస్ట్‌ట్రాక్‌ పోక్సో కోర్టు మూడేళ్ల జైలు శిక్ష, రూ.20 వేల జరిమానా విధించింది. కేసు విచారణలో నేరం రుజువైంది. బాలికను పదేపదే ఫోన్‌ చేసి వేధించినట్లు కోర్టు నిర్ధారించింది. నిందితుడికి శిక్ష పడేలా కృషి చేసిన పోలీసు సిబ్బందిని మెదక్‌ ఎస్పీ డి.వి. శ్రీనివాసరావు అభినందించారు.