ఐటీ ఉద్యోగాల పేరిట కోటి టోకరా

ఐటీ ఉద్యోగాలిప్పిస్తామంటూ సాఫ్ట్‌వేర్ ఆశ చూపిన సైబర్ ముఠా గుట్టును అంబర్‌పేట పోలీసులు రట్టుచేశారు. బెంగళూరు కేంద్రంగా నకిలీ కన్సల్టెన్సీని ఏర్పాటు చేసి, సోషల్ మీడియా వేదికగా నిరుద్యోగులను ఈ ముఠా బురిడీ కొట్టించింది. ఈ దందాలో ఇప్పటివరకు 40 మంది బాధితుల నుండి సుమారు కోటి రూపాయల వరకు వసూలు చేసినట్లు గుర్తించారు. బాధితురాలి ఫిర్యాదుతో రంగంలోకి దిగిన పోలీసులు, ముఠాలోని ఏడుగురు నిందితులను అరెస్ట్ చేసి నగదు, సిమ్ కార్డులు స్వాధీనం చేసుకున్నారు.