ఇస్రో శాస్త్రవేత్తల రాజీనామా

భారత అంతరిక్ష పరిశోధన సంస్థ (ISRO) లో గతేడాది 120 మందికి పైగా గ్రూప్-ఏ సీనియర్ శాస్త్రవేత్తలు స్వచ్ఛందంగా రాజీనామా చేయడం ఆందోళన కలిగిస్తోంది. గగన్‌యాన్, చంద్రయాన్-4 ప్రాజెక్టుల వేళ ఈ పరిణామం జరిగింది. దీంతో కీలక సిబ్బంది రాజీనామాలను వెంటనే ఆమోదించవద్దని అంతరిక్షశాఖ అంతర్గత ఆదేశాలు ఇచ్చింది. జాతీయ ప్రాజెక్టులకు అంతరాయం కలగకుండా అధికారులు జాగ్రత్తలు తీసుకుంటున్నారు.