సంగక్కరతో గొడవపై ఇర్ఫాన్‌

2005లో దిల్లీ టెస్టు సందర్భంగా కుమార సంగక్కర భారత ఆటగాళ్లను, తనను వ్యక్తిగతంగా దూషించాడని మాజీ ఆల్‌రౌండర్‌ ఇర్ఫాన్‌ పఠాన్‌ వెల్లడించాడు. ఆ మ్యాచ్‌ రెండో ఇన్నింగ్స్‌లో ఓపెనర్‌గా వచ్చిన ఇర్ఫాన్‌ 93 పరుగులు చేశాడు. తాను కూడా సంగక్కరకు గట్టిగా బదులిచ్చానని తెలిపాడు. తర్వాత ఐపీఎల్‌లో పంజాబ్‌ తరఫున కలిసి ఆడినప్పుడు ఇద్దరం పరస్పరం క్షమాపణలు చెప్పుకొని మంచి స్నేహితులమయ్యామని ఇర్ఫాన్‌ గుర్తుచేసుకున్నాడు.