అణు ఒప్పందంపై ఇరాన్‌ వ్యాఖ్యలు

అమెరికా–సౌదీ అరేబియా అణు ఒప్పందాన్ని ఇజ్రాయెల్‌ అడ్డుకునేందుకు ప్రయత్నిస్తుందని ఇరాన్‌ పేర్కొంది. పశ్చిమాసియా దేశాలకు అణుశక్తిని దూరం చేయాలనే లక్ష్యంతో ఇజ్రాయెల్‌ వ్యవహరిస్తోందని ఆరోపించింది. శాంతియుత అవసరాల కోసం అణుశక్తిని వినియోగించుకోవడం ప్రతి దేశ హక్కు అని ఇరాన్‌ స్పష్టం చేసింది. అమెరికా ఒత్తిళ్లకు తలొగ్గబోమని, జాతీయ ప్రయోజనాలకే తమ ప్రభుత్వం ప్రాధాన్యం ఇస్తుందని వెల్లడించింది.