బెల్లంపల్లిలో అక్రమ వెంచర్లు జోరు

బెల్లంపల్లి పరిసరాల్లో డీటీసీపీ అనుమతులు లేకుండా అక్రమ వెంచర్లలో ప్లాట్ల విక్రయాలు కొనసాగుతున్నాయని సమాచారం. జాతీయ రహదారి వెంట పలు వెంచర్లు ఏర్పాటై ప్రభుత్వ ఆదాయానికి నష్టం వాటిల్లుతోందన్న విమర్శలు వినిపిస్తున్నాయి. అనుమతులు లేని వెంచర్లపై చర్యలు తీసుకుంటామని మున్సిపల్ అధికారులు హెచ్చరించారు. ప్రజలు డీటీసీపీ అనుమతి ఉన్న వెంచర్లలోనే ప్లాట్లు కొనుగోలు చేయాలని సూచించారు.