జూలూరుపాడులో అనధికారిక డంపింగ్ యార్డ్

జూలూరుపాడు ప్రధాన రహదారి పక్కన పేరుకుపోయిన చెత్తతో ప్రజలు తీవ్ర ఇబ్బందులు పడుతున్నారు. పోలీస్ స్టేషన్ సమీపంలోనే ఉన్న ఈ అనధికారిక డంపింగ్ యార్డ్ వల్ల దుర్గంధం వెదజల్లడమే కాకుండా, దోమల స్వైరవిహారంతో అంటువ్యాధుల ముప్పు పొంచి ఉంది. అధికారులు వెంటనే స్పందించి ఈ వ్యర్థాలను తొలగించాలని స్థానికులు డిమాండ్ చేస్తున్నారు. చెత్తను పారబోసే వ్యాపారులపై కఠిన చర్యలు తీసుకోవాలని వారు కోరుతున్నారు.