హైదరాబాద్‌లో వర్షం: ఎల్లో అలర్ట్

హైదరాబాద్‌లో వాతావరణం ఒక్కసారిగా మారిపోయింది. నగరంలోని పలు ప్రాంతాల్లో ఉరుములు, మెరుపులతో కూడిన భారీ వర్షం కురిసే అవకాశం ఉందని వాతావరణ శాఖ హెచ్చరించింది. ఈ నేపథ్యంలో హైదరాబాద్‌తో సహా తెలంగాణలోని పలు జిల్లాలకు ఎల్లో అలర్ట్ జారీ చేసింది. వర్షంతో పాటు గంటకు 40 నుండి 50 కిలోమీటర్ల వేగంతో ఈదురుగాలులు వీచే అవకాశం ఉందని అధికారులు తెలిపారు. ఇప్పటికే నగరంలోని పలు ప్రాంతాల్లో చిరుజల్లులు ప్రారంభమవడంతో వాహనదారులు, ప్రజలు అప్రమత్తంగా ఉండాలని సూచించారు.