ఐదు రాష్ట్రాలకు వడగాల్పుల హెచ్చరిక

జార్ఖండ్, మధ్యప్రదేశ్, రాజస్థాన్, ఉత్తరప్రదేశ్, విదర్భ ప్రాంతాలలో నేడు వడగాల్పులు వీచే అవకాశం ఉందని భారత వాతావరణ శాఖ (IMD) హెచ్చరించింది. అలాగే కొంకణ్, గోవా ప్రాంతాలలో ఉక్కపోతతో కూడిన వేడి వాతావరణం ఉంటుందని అంచనా వేసింది. మరోవైపు, అండమాన్ నికోబార్ దీవులలో నేడు భారీ నుండి అతి భారీ వర్షాలు కురిసే అవకాశం ఉందని, నైరుతి రుతుపవనాల రాకకు పరిస్థితులు అనుకూలంగా ఉన్నాయని ఐఎండీ పేర్కొంది.