హైదరాబాద్‌లో హిడెన్ కెమెరాల నివారణకు తనిఖీలు

నగరంలోని షాపింగ్ మాల్స్, లాడ్జీలలో మహిళా భద్రత కోసం పోలీసులు ప్రత్యేక డ్రైవ్ చేపట్టారు. ట్రయల్ రూమ్స్‌లో హిడెన్ కెమెరాలు లేకుండా చూడాలని యాజమాన్యాలకు స్పష్టమైన అడ్వైజరీ జారీ చేశారు. ప్రతిచోటా సేఫ్టీ ఇన్‌ఛార్జ్‌లను నియమించి, క్రమం తప్పకుండా డిటెక్షన్ పరికరాలతో తనిఖీలు చేపట్టాలని పోలీసులు ఆదేశించారు. నిబంధనలు ఉల్లంఘించే సంస్థలపై కఠిన చర్యలు ఉంటాయని ఈ సందర్భంగా హెచ్చరించారు.