చంబాలో భారీ వర్షాలు.. కొండచరియలు విరిగి ఐదుగురు మృతి

హిమాచల్‌ప్రదేశ్‌లోని చంబా జిల్లాలో భారీ వర్షాలు తీవ్ర నష్టాన్ని కలిగిస్తున్నాయి. పలుచోట్ల కొండచరియలు విరిగిపడి రహదారులు మూసుకుపోగా, వాహనాలు బురదలో చిక్కుకున్నాయి. పలు ఇళ్లలోకి బురద నీరు చేరింది. ఇదిలా ఉండగా, చంబా-పఠాన్‌కోట్‌ జాతీయ రహదారిపై కారు లోయలో పడిన ఘటనలో ఒకే కుటుంబానికి చెందిన ఐదుగురు మృతి చెందారు. అస్వస్థతకు గురైన చిన్నారిని ఆస్పత్రికి తరలిస్తుండగా ఈ ప్రమాదం జరిగింది.