హైదరాబాద్‌లో పలు ప్రాంతాల్లో భారీ వర్షం

హైదరాబాద్ నగరంలోని పలు ప్రాంతాలను ఆకస్మిక భారీ వర్షం ముంచెత్తింది. చందానగర్‌, మియాపూర్, కేపీహెచ్‌బీ, అమీర్‌పేట, జూబ్లీహిల్స్‌, పంజాగుట్ట, అబిడ్స్, కోఠి తదితర ప్రాంతాల్లో ఈదురు గాలులతో కూడిన కుండపోత వర్షం కురుస్తోంది. ఎడతెరిపి లేకుండా కురుస్తున్న ఈ వర్షానికి ప్రధాన రహదారులన్నీ పూర్తిగా జలమయమయ్యాయి. రోడ్లపైకి భారీగా వరద నీరు వచ్చి చేరడంతో నగర వ్యాప్తంగా ట్రాఫిక్‌కు తీవ్ర అంతరాయం ఏర్పడింది. దీంతో గమ్యస్థానాలకు చేరుకునే వాహనదారులు తీవ్ర అవస్థలు పడుతున్నారు.