ఆరు జిల్లాల్లో భారీ వర్ష సూచన

వాయుగుండం ప్రభావంతో చెన్నై సహా ఆరు జిల్లాల్లో రాబోయే మూడు రోజులు భారీ వర్షాలు కురిసే అవకాశం ఉందని ప్రాంతీయ వాతావరణ కేంద్రం హెచ్చరించింది. ఈదురుగాలులతో కూడిన వర్షాలు పడే సూచనలు ఉన్నాయని తెలిపింది. శనివారం తిరువళ్లూరు, కాంచీపురం, చెంగల్పట్టు వంటి జిల్లాల్లో వాతావరణం మారుతుంది. 29వ తేదీ వరకు వివిధ ప్రాంతాల్లో వర్షాలు కొనసాగుతాయని, మిగిలిన ప్రాంతాల్లో గరిష్ట ఉష్ణోగ్రతలు తగ్గే అవకాశం ఉందని అధికారులు వెల్లడించారు.