హంద్రీనీవా కాలువ పనులు శరవేగం

ఉమ్మడి కర్నూలు జిల్లాలో హెచ్‌ఎన్‌ఎస్‌ఎస్‌ కాలువ విస్తరణ, సిమెంట్ పనులు శరవేగంగా సాగుతున్నాయి. రూ.3,890 కోట్లతో చేపడుతున్న ఈ పనుల ద్వారా కాలువ నీటి ప్రవాహ సామర్థ్యాన్ని 3,850 క్యూసెక్కులకు పెంచుతున్నారు. కూటమి ప్రభుత్వం నిధులు ఇవ్వడంతో మల్యాల, గార్గేయపురం వద్ద లైనింగ్ పనులు వేగవంతమయ్యాయి. ఈసారి 12 పంపుల ద్వారా పూర్తిస్థాయిలో నీటిని తరలించేందుకు అధికారులు సిద్ధమవుతున్నారు.