హాడ్గావ్‌లో అధికారుల నిర్లక్ష్యం.. కుంటలోనే చెత్త పారవేస్తున్న వైనం

లోకేశ్వరం మండలంలోని హాడ్గావ్‌లో అధికారుల నిర్లక్ష్యం వీడలేదు. జీపీ ట్రాక్టర్‌తో సేకరించిన చెత్తను డంపింగ్ యార్డుకు కాకుండా గ్రామ సమీపంలోని కుంటలోనే పారబోస్తున్నారు. స్థానిక సమస్యలను ఎంపీఓ పర్యవేక్షించకపోవడం, రికార్డులు తనిఖీ చేయకపోవడమే ఈ దుస్థితికి కారణమని ప్రజలు మండిపడుతున్నారు. బాధ్యతారహితంగా వ్యవహరిస్తున్న స్థానిక అధికారులపై ఉన్నతాధికారులు తక్షణమే కఠిన చర్యలు తీసుకోవాలని డిమాండ్ చేస్తున్నారు.