గుంటూరు మిర్చి యార్డులో 38 మిర్చి బస్తాలు చోరీ

గుంటూరు మిర్చి యార్డులో 38 మిర్చి బస్తాలు చోరీకి గురైన ఘటనపై నగరంపాలెం పోలీసులు కేసు నమోదు చేశారు. నల్లపాడుకు చెందిన శంకరరావు గురజాల నుంచి 120 మిర్చి బస్తాలను తీసుకొచ్చి యార్డులోకి తరలించే సమయంలో ఈ ఘటన జరిగినట్లు తెలిపారు. రామిరెడ్డి నగర్ వద్ద నిలిపిన ట్రాక్టర్ నుంచి బస్తాలు తీసుకెళ్లినట్లు గుర్తించారు. బాధితుడి ఫిర్యాదు మేరకు పోలీసులు దర్యాప్తు చేపట్టారు.