అజయబాబుకు ప్రభుత్వ భరోసా!

మంత్రి నారా లోకేశ్‌తో భేటీ అయిన వెయిట్‌ లిఫ్టర్‌ వల్లూరి అజయబాబు తన రజత పతకాన్ని చూపించారు. కామన్వెల్త్‌ క్రీడల్లో విజయం సాధించిన అజయబాబును లోకేశ్‌ అభినందించి సత్కరించారు. ప్రభుత్వం తరఫున అన్నివిధాలుగా అండగా ఉంటామని హామీ ఇచ్చారు. రాబోయే ఒలింపిక్స్‌లో పతకం సాధించాలని ఆకాంక్షించారు. విజయనగరం జిల్లాకు చెందిన అజయబాబు దేశానికి, రాష్ట్రానికి గర్వకారణంగా నిలిచారని కొనియాడారు.