ప్రభుత్వ పాఠశాల విద్యార్థిని అరుదైన విజయం

నకిరేకల్ జెడ్పీహెచ్‌ఎస్ విద్యార్థిని పొట్టబత్తుల హర్షిత బాసర ట్రిపుల్ ఐటీలో సీటు సాధించి సత్తా చాటింది. ఈ అద్భుత ప్రతిభను గుర్తించిన ఎమ్మెల్యే వేముల వీరేశం ఆమెను ప్రత్యేకంగా సత్కరించి, రూ.10 వేల నగదు ప్రోత్సాహకాన్ని అందించారు. ప్రభుత్వ పాఠశాల విద్యార్థులు పట్టుదలతో చదివితే ఉన్నత శిఖరాలను అధిరోహించవచ్చని ఎమ్మెల్యే పేర్కొన్నారు. హర్షిత విజయం మండలంలోని ఇతర విద్యార్థులకు స్ఫూర్తిదాయకమని ఆయన ప్రశంసించారు.