20 ఏళ్ల తర్వాత ప్రారంభమైన ప్రభుత్వ బడి

ఆదిలాబాద్‌లోని భుక్తాపూర్ కాలనీలో రెండు దశాబ్దాలుగా మూతపడి ఉన్న ప్రభుత్వ పాఠశాల మళ్లీ తెరుచుకుంది. జిల్లా కలెక్టర్ రాజర్షిషా, మున్సిపల్ ప్రతినిధులతో కలిసి పాఠశాలను ప్రారంభించి, విద్యార్థులకు పుస్తకాలు, బ్యాగులు పంపిణీ చేశారు. ఈ బడిని తిరిగి తెరిపించేందుకు కృషి చేసిన విశ్రాంత ఉద్యోగులు, ఉపాధ్యాయులను కలెక్టర్ ప్రత్యేకంగా సన్మానించారు. పిల్లలను క్రమం తప్పకుండా పాఠశాలకు పంపాలని ఆయన తల్లిదండ్రులకు సూచించారు.