సంచార జాతులకు ప్రభుత్వ గుర్తింపు

తెలంగాణలోని 51 వెనుకబడిన వర్గాలను 'విముక్త, సంచార, అర్ధ సంచార తెగలు' (డీఎన్‌టీ)గా గుర్తిస్తూ రాష్ట్ర ప్రభుత్వం కీలక జీవో జారీ చేసింది. దశాబ్దాలుగా గుర్తింపు కోసం ఎదురుచూస్తున్న ఈ వర్గాలకు ఈ నిర్ణయంతో విద్య, ఉద్యోగ, సంక్షేమ రంగాల్లో ప్రత్యేక ప్రయోజనాలు లభించనున్నాయి. బీసీ సంక్షేమ శాఖ కమిషనర్, జిల్లా కలెక్టర్లకు ఈ వర్గాలకు ప్రత్యేక పథకాలు అందజేయాలని ప్రభుత్వం ఆదేశాలు జారీ చేసింది. కమిషన్ సిఫార్సుల మేరకు ఈ జాబితాను ఖరారు చేయగా, దీనివల్ల సామాజికంగా వెనుకబడిన ఆయా వర్గాల అభివృద్ధికి బాటలు పడతాయని అధికారులు పేర్కొన్నారు.