గోల్డీ బ్రార్‌ కోసం FBI రూ.9 కోట్ల రివార్డు

గ్యాంగ్‌స్టర్‌ సతీందర్‌జీత్‌ సింగ్‌ అలియాస్‌ గోల్డీ బ్రార్‌ను ఎఫ్‌బీఐ ‘టెన్‌ మోస్ట్‌ వాంటెడ్‌ ఫ్యూజిటివ్స్‌’ జాబితాలో చేర్చింది. అతడి ఆచూకీ తెలిపిన వారికి 1 మిలియన్‌ డాలర్ల వరకు రివార్డు ప్రకటించింది. లారెన్స్‌ బిష్ణోయ్‌ ఆర్గనైజ్డ్‌ క్రైమ్‌ గ్రూప్‌తో సంబంధాలున్నట్లు బ్రార్‌పై ఆరోపణలు ఉన్నాయి. హత్యలు, హింస, బెదిరింపులు, వసూళ్లు, మాదకద్రవ్యాల అక్రమ రవాణా కేసుల్లో అతడిపై ఆరోపణలు నమోదయ్యాయి.