గణేశ్‌ మండపాల నిర్వాహకులకు కోనసీమ ఎస్పీ కీలక సూచనలు

గణేశ్‌ మండపాలకు ఆన్‌లైన్‌లో ఉచితంగా అనుమతులు పొందాలని కోనసీమ ఎస్పీ రాహుల్‌ మీనా సూచించారు. మండపాల వద్ద భద్రతా చర్యలు, సీసీ కెమెరాలు, ఫైర్‌ సేఫ్టీ ఏర్పాట్లు తప్పనిసరిగా చేయాలన్నారు. రాత్రి 10 నుంచి ఉదయం 6 వరకు శబ్ద వ్యవస్థలు నిషేధమని, డీజేలకు ముందస్తు అనుమతి అవసరమని తెలిపారు. నిమజ్జనం పోలీసుల సూచించిన మార్గం, సమయం, ఘాట్లలోనే నిర్వహించాలని సూచించారు.