గచ్చిబౌలి AMB ఫ్లైఓవర్‌పై ఘోర ప్రమాదం: ఇద్దరు దుర్మరణం

హఫీజ్‌పేట్-గచ్చిబౌలి మార్గంలోని AMB ఫ్లైఓవర్‌పై రాంగ్‌రూట్‌లో వచ్చిన స్కూటీని, వేగంగా వస్తున్న రాయల్ ఎన్‌ఫీల్డ్ బైక్ ఢీకొట్టింది. ఈ ఘటనలో స్కూటీపై ఉన్న శ్రీకాంత్, విఠల్ అక్కడికక్కడే మృతి చెందారు. మరో బైక్ రైడర్ వినోద్ తీవ్రంగా గాయపడ్డారు. సమాచారం అందుకున్న పోలీసులు సంఘటనా స్థలానికి చేరుకుని, మృతదేహాలను పోస్టుమార్టం నిమిత్తం ఆసుపత్రికి తరలించారు. కేసు నమోదు చేసి దర్యాప్తు చేస్తున్నారు.