ఇన్‌స్టామార్ట్‌లో గ్యాస్ డెలివరీ

ప్రముఖ క్విక్ కామర్స్ ప్లాట్‌ఫామ్ స్విగ్గీ ఇన్‌స్టామార్ట్ ద్వారా ఇకపై ఎల్‌పీజీ గ్యాస్ సిలిండర్లను డెలివరీ చేయనున్నారు. ఇందుకోసం హిందుస్తాన్ పెట్రోలియం కార్పొరేషన్ లిమిటెడ్ (హెచ్‌పీసీఎల్) సంస్థతో స్విగ్గీ కీలక భాగస్వామ్యం కుదుర్చుకున్నట్లు బుధవారం అధికారికంగా ప్రకటించింది. ఈ సరికొత్త భాగస్వామ్యం ద్వారా హెచ్‌పీసీఎల్‌కు చెందిన 10 కిలోల ప్రత్యేక కాంపోజిట్ ఎల్పీజీ సిలిండర్ ‘హెచ్‌పీ నవ్య’ వినియోగదారులకు ఇన్‌స్టామార్ట్‌లో అందుబాటులోకి వచ్చింది.