ఎస్సార్ఆర్ కళాశాలలో ప్రశాంతంగా రెడ్ క్రాస్ ఎన్నికలు.. ఉత్సాహంగా ఓటర్లు

కరీంనగర్ ఎస్సార్ఆర్ కళాశాలలో జరుగుతున్న రెడ్ క్రాస్ సొసైటీ జిల్లా ఎన్నికల్లో ట్రాన్స్‌జెండర్లు ప్రత్యేక ఆకర్షణగా నిలిచారు. 53 మంది ట్రాన్స్‌జెండర్లు ఉత్సాహంగా తమ ఓటు హక్కును వినియోగించుకున్నారు. ఆపదలో ఉన్నవారికి సాయపడే ఈ సేవారంగంలో భాగస్వామ్యం కావడం తమకెంతో ఆనందాన్నిచ్చిందని, సమాజంలో గుర్తింపు లభించడానికి ఈ ఓటు హక్కు ఉపయోగపడుతుందని వారు హర్షం వ్యక్తం చేశారు.