ఎమెల్యే కవ్వంపల్లి ఖర్గేను అవమానించిన వారిపై అట్రాసిటీ కేసు పెట్టాలని డిమాండ్ చేశారు

ఏఐసీసీ అధినేత మల్లికార్జున ఖర్గే పట్ల ఉత్తరాఖండ్‌లోని హల్ద్వానిలో మతవాదులు అవమానకరంగా ప్రవర్తించడాన్ని మానకొండూరు ఎమ్మెల్యే కవ్వంపల్లి సత్యనారాయణ తీవ్రంగా ఖండించారు. ఖర్గే పర్యటించిన స్థలాన్ని గంగాజలంతో శుద్ధి చేయడం రాజ్యాంగ విరుద్ధమన్నారు. ఈ చర్యకు పాల్పడిన వారిపై తక్షణమే ఎస్సీ, ఎస్టీ అట్రాసిటీ కేసులు నమోదు చేసి కఠినంగా శిక్షించాలని కరీంనగర్‌లో శనివారం డిమాండ్ చేశారు.