డివిజన్‌ పనుల టెండర్లలో వివరాలపై సందేహాలు

కరీంనగర్‌ నగర పాలక సంస్థలోని 1, 23 డివిజన్లలో రూ.53 లక్షల అభివృద్ధి పనుల టెండర్లలో ఇంటి నంబర్లు లేకపోవడంపై అనుమానాలు వ్యక్తమవుతున్నాయి. పనుల ప్రదేశాలను వ్యక్తుల పేర్లతో మాత్రమే పేర్కొన్నట్లు తెలుస్తోంది. ఇంటి నంబర్లు లేకపోతే పనుల గుర్తింపు, పర్యవేక్షణలో సమస్యలు వచ్చే అవకాశం ఉందని పలువురు చెబుతున్నారు. అయితే కార్యాలయంలో సైట్‌ ప్లాన్‌ ఆధారంగా పూర్తి వివరాలు ఉన్నాయని అధికారులు తెలిపారు.