సత్యదేవుని అన్నదానానికి రూ.లక్ష విరాళం

అన్నవరం సత్యదేవుని నిత్య అన్నదాన పథకానికి కాకినాడకు చెందిన భానోజీ రావు కుటుంబసభ్యులు మంగళవారం రూ.లక్ష విరాళం అందించారు. ఆలయ అధికారులు విరాళాన్ని స్వీకరించి దాతలకు ప్రత్యేక దర్శనం కల్పించారు. తీర్థప్రసాదాలతో దాతలను సత్కరించారు. జులై 2న ఈ నిధులతో భక్తులకు అన్నదానం నిర్వహించాలని దాతలు కోరినట్లు అధికారులు తెలిపారు.