జిల్లా మంత్రులు అసమర్థులు

నల్లగొండ జిల్లా మంత్రులు అసమర్థులని, నిధుల సాధనలో పూర్తిగా విఫలమయ్యారని బీఆర్ఎస్ మాజీ మంత్రి జగదీష్ రెడ్డి విమర్శించారు. కేసీఆర్ హయాంలో జరిగిన అభివృద్ధిని గుర్తు చేస్తూ, ప్రస్తుత మంత్రులు కేవలం కమిషన్లు, స్కామ్‌లతో పబ్బం గడుపుకుంటూ పదవులను కాపాడుకునే ప్రయత్నంలో ఉన్నారని ఆయన తీవ్రస్థాయిలో ఆరోపించారు. సీఎం రేవంత్ రెడ్డి నల్లగొండ పర్యటన కేవలం డ్రామాల కోసమేనని జగదీష్ రెడ్డి మండిపడ్డారు. కమిషన్ల కోసం చేస్తున్న ఈ హడావుడిని ప్రజలు గమనిస్తున్నారని, ఓటర్ల జాబితా పరిశీలనలో పార్టీ శ్రేణులు అప్రమత్తంగా ఉండి క్షేత్రస్థాయిలో పకడ్బందీగా పనిచేయాలని ఆయన పిలుపునిచ్చారు.