వేములవాడలో కుంగిన రహదారి

వేములవాడలో రహదారి కుంగిపోవడంతో భక్తుడి కారు ప్రమాదవశాత్తు అందులో ఇరుక్కుపోయింది. జగిత్యాల బస్టాండ్ సమీపంలోని బైపాస్ రోడ్డులో భూగర్భ మురికి కాలువ పనుల కారణంగా ఈ సమస్య తలెత్తింది. వర్షానికి రోడ్డు మరింత కుంగిపోవడంతో వాహనదారులకు ఇబ్బందులు తప్పడం లేదు. మరో వాహనం సాయంతో కారును బయటకు తీసినప్పటికీ, భవిష్యత్తులో పెద్ద ప్రమాదాలు జరిగే అవకాశం ఉన్నందున అధికారులు వెంటనే స్పందించి రోడ్డును పునరుద్ధరించాలని స్థానికులు డిమాండ్ చేస్తున్నారు.