దీపికా ఫౌండేషన్‌కు పీవీ సింధు అండ: రూ.850కే ప్రత్యేక జెర్సీలు!

ప్రపంచ మానసిక ఆరోగ్య దినోత్సవం సందర్భంగా నటి దీపికా పదుకొణెకు చెందిన 'ది లివ్ లవ్ లాఫ్ ఫౌండేషన్'కు భారత బ్యాడ్మింటన్ స్టార్ పీవీ సింధు అండగా నిలిచారు. 'ఫీచర్డ్ క్లోసెట్స్' కార్యక్రమంలో భాగంగా ఆమె తన వ్యక్తిగత జెర్సీలు, దుస్తులను విక్రయానికి అందించారు. ఈ దుస్తుల ధరలను రూ.850 నుంచి రూ.1,100 వరకు నిర్ణయించగా, వీటి ద్వారా వచ్చే నిధులను మానసిక ఆరోగ్య అవగాహన కార్యక్రమాలకు ఉపయోగించనున్నారు.