ధర్పల్లి పేకాట స్థావరంపై పోలీసుల దాడి.. ఆరుగురు అరెస్ట్

ధర్పల్లి గ్రామ శివారులోని చెరువు సమీపంలో పేకాట ఆడుతున్న ఆరుగురు వ్యక్తులను పోలీసులు పట్టుకున్నారు. పేకాట జరుగుతున్నట్లు నమ్మదగిన సమాచారం అందడంతో ఎస్సై జి. సందీప్ తన సిబ్బందితో కలిసి సంఘటనా స్థలానికి వెళ్లి దాడి నిర్వహించారు. ఈ సందర్భంగా వారి వద్ద నుంచి రూ.8,310 నగదు, 5 సెల్‌ఫోన్లు, 5 మోటార్ సైకిళ్లను స్వాధీనం చేసుకున్నారు. నిందితులపై కేసు నమోదు చేసి తదుపరి చర్యలు చేపట్టినట్లు పోలీసులు తెలిపారు.