డీఎస్సీ అక్రమాలపై నేడు వైసీపీ రిలే దీక్షలు

డీఎస్సీ అక్రమాలపై సీబీఐ విచారణ జరిపించాలని, ఫీజు రీయింబర్స్‌మెంట్ బకాయిలు విడుదల చేయడంతో పాటు నిరుద్యోగ భృతి రూ.3,000 చెల్లించాలని డిమాండ్ చేస్తూ శుక్రవారం సారవకోట మండల కేంద్రంలో వైసీపీ రిలే నిరాహార దీక్షలు నిర్వహించనున్నట్లు ఆ పార్టీ నేతలు తెలిపారు. జిల్లా అధ్యక్షుడు ధర్మాన కృష్ణదాస్ ఆదేశాల మేరకు ఈ కార్యక్రమం చేపడుతున్నట్లు వెల్లడించారు.