ఆన్‌లైన్ సినిమాల పేరుతో సైబర్ మోసం

కొత్త సినిమాల ఉచిత లింకుల పేరుతో సైబర్ నేరగాళ్లు నకిలీ యాప్‌లను డౌన్‌లోడ్ చేయిస్తున్నారు. వీటి ద్వారా ఫోన్ సమాచారాన్ని, బ్యాంకింగ్ వివరాలను దొంగిలిస్తూ ప్రజల ఖాతాల నుంచి డబ్బును దోచేస్తున్నారు. అప్రమత్తంగా ఉండాలని పోలీసులు హెచ్చరిస్తున్నారు. అపరిచిత లింకులను క్లిక్ చేయకుండా, కేవలం అధికారిక ఓటీటీ ప్లాట్‌ఫారమ్‌లలోనే సినిమాలు చూడటం సురక్షితం. అనధికార యాప్‌లకు అనుమతులు ఇవ్వడం వల్ల ఫోన్ మొత్తం నేరగాళ్ల నియంత్రణలోకి వెళ్లే ప్రమాదముందని గుర్తించుకోవాలి.