హైకోర్టు ఆదేశాలతో బట్టబయలైన కుట్ర

రాజకీయ లబ్ధి కోసం నకిలీ ఇళ్ల పట్టాలు పంపిణీ చేసిన మాజీ ఎమ్మెల్యే పేర్ని నాని, ఆయన కుమారుడి లీలలను హైకోర్టు ఆదేశాలు బహిర్గతం చేశాయి. ఎన్నికల ముందు సాగిన ఈ మోసాన్ని తెదేపా నాయకులు తీవ్రంగా వ్యతిరేకించారు. న్యాయస్థానం తాజా ఉత్తర్వులు అప్పట్లో పట్టాలు తీసుకుని మోసపోయిన నిరుపేదల ఆగ్రహావేశాలకు దారితీశాయి. నిందితులపై కఠిన చర్యలు తీసుకోవాలని, బాధితులకు నిజమైన న్యాయం చేయాలని ప్రజలు డిమాండ్ చేస్తున్నారు.