కమలకూరు చెరువుల్లో అక్రమ మట్టి తవ్వకాలపై ఆందోళన

అట్లూరు మండలం కమలకూరు పెద్ద, చిన్న చెరువుల్లో అక్రమంగా మట్టి తవ్వకాలు జరుగుతున్నాయని రైతులు ఆందోళన వ్యక్తం చేస్తున్నారు. భారీగా మట్టిని తరలించడం వల్ల చెరువుల్లో గోతులు ఏర్పడి ఆయకట్టుకు నీరందే మార్గం దెబ్బతింటోందని చెబుతున్నారు. ఈ చెరువుల కింద 550 ఎకరాల ఆయకట్టు ఉంది. అక్రమ మట్టి తవ్వకాలపై కఠిన చర్యలు తీసుకుంటామని, నిబంధనలు ఉల్లంఘించిన వారిని ఉపేక్షించబోమని తహసీల్దార్ ఇజాజ్ అహ్మద్ తెలిపారు.