పరిహారం ఇచ్చిన భూముల్లోనే సాగు.. కాలువలకు ముప్పు

నారాయణపేట జిల్లాలో కోయిలసాగర్‌ అప్రోచ్‌ కెనాల్‌ భూముల్లో నిబంధనలకు విరుద్ధంగా సాగు, మట్టి తరలింపు కొనసాగుతోంది. కాలువల కోసం సేకరించిన భూములకు పరిహారం ఇచ్చినా కొందరు మళ్లీ పంటలు సాగు చేస్తున్నట్లు తెలుస్తోంది. కాలువకు ఇరువైపులా 20 మీటర్ల పరిధిలో సాగు చేయకూడదన్న నిబంధనలు అమలుకావడం లేదు. భవిష్యత్తు అవసరాల కోసం నిల్వ చేసిన మట్టి తరలిపోతున్నా అధికారులు పట్టించుకోవడం లేదనే ఆరోపణలు ఉన్నాయి.