చీరాలకు ఈనెల 7న సీఎం చంద్రబాబు

ఈనెల 7న జాతీయ చేనేత దినోత్సవం సందర్భంగా చీరాలలో నిర్వహించే చేనేత సేవా పథకం ఆర్థిక సహాయ కార్యక్రమానికి సీఎం చంద్రబాబు హాజరుకానున్నారు. ఈ నేపథ్యంలో సభా ప్రాంగణం, హెలీప్యాడ్ ఏర్పాట్లను కలెక్టర్ డాక్టర్ వినోద్ కుమార్, ఎస్పీ బి. ఉమామహేశ్వర్ సోమవారం పరిశీలించారు. కార్యక్రమం విజయవంతం కావడానికి అవసరమైన ఏర్పాట్లపై అధికారులకు వారు సూచనలు ఇచ్చారు. కార్యక్రమంలో ఆర్డీవో నరసింహారావు తదితరులు పాల్గొన్నారు.