వానదేవుడి దోబూచులాట: ఆందోళనలో అన్నదాతలు

తెలుగు రాష్ట్రాల్లో వాతావరణ శాఖ అంచనాలు తలకిందులవుతున్నాయి. రోజువారీ భారీ వర్షాల హెచ్చరికలు ఉన్నప్పటికీ, ఒకటి రెండు జిల్లాల్లో తప్ప ఎక్కడా ఆశించిన స్థాయిలో వానలు కురవడం లేదు. కేవలం తేలికపాటి జల్లులకే పరిమితమవుతున్నాయి. ఈ పరిస్థితితో సాగుపై పెట్టుబడులు పెట్టిన రైతాంగం తీవ్ర నిరాశలో మునిగిపోయింది. పంటలు ఎండుతాయేమోనన్న ఆందోళనతో, ఎప్పుడు వర్షాలు కురుస్తాయా అని అన్నదాతలు ఆకాశం వైపు దీనంగా ఎదురుచూస్తున్నారు.