చాక్లెట్ పుట్టినరోజు విశేషాలు

ప్రపంచవ్యాప్తంగా ప్రతి ఏటా జూలై 7వ తేదీన అంతర్జాతీయ చాక్లెట్ దినోత్సవాన్ని ఎంతో ఘనంగా జరుపుకుంటారు. ఐరోపా ఖండంలోకి 1550వ సంవత్సరంలో మొదటిసారిగా చాక్లెట్‌ను ప్రవేశపెట్టిన జ్ఞాపకార్థంగా ఈ ప్రత్యేకమైన రోజును చాక్లెట్ ప్రియులు జరుపుకోవడం ఆనవాయితీగా వస్తోంది. చిన్న పిల్లల నుంచి పెద్దల వరకు అందరి మనసు దోచిన చాక్లెట్ ఆరోగ్యానికి కూడా ఎంతో మేలు చేస్తుందని నిపుణులు చెబుతున్నారు. ముఖ్యంగా డార్క్ చాక్లెట్ తినడం వల్ల గుండె ఆరోగ్యం మెరుగుపడటంతో పాటు మానసిక ఒత్తిడి తగ్గుతుందని వైద్యులు వెల్లడించారు.