పసిపిల్లల ప్రయాణం: స్కూల్ బస్సుల భద్రత గాలికి!

జిల్లాలో 233 ప్రైవేటు పాఠశాల బస్సులు ఉండగా, కేవలం 31 మాత్రమే ఫిట్‌నెస్ పరీక్షలు పూర్తి చేసుకున్నాయి. విద్యాసంస్థలు జూన్ 12న ప్రారంభం కానున్నప్పటికీ, యాజమాన్యాలు నిబంధనలను నిర్లక్ష్యం చేస్తున్నాయి. ఆఖరి నిమిషంలో హడావుడిగా ఫిట్‌నెస్ చేయించుకోవడం వల్ల తనిఖీలు తూతూమంత్రంగా సాగే ప్రమాదం ఉంది. బస్సు కిటికీలకు ఇనుప ఊచలు లేకపోవడం, మరమ్మతులు చేయకపోవడం వంటి సమస్యలు పసిపిల్లల భద్రతకు ముప్పుగా మారాయి. నిబంధనలు పాటించని బస్సులను సీజ్ చేస్తామని రవాణా శాఖ హెచ్చరించింది.