ఔటర్ రింగ్ రోడ్డుపై బాల డ్రైవింగ్

రాజేంద్రనగర్ ఔటర్ రింగ్ రోడ్డుపై 11 ఏళ్ల కుమారుడికి కారు స్టీరింగ్ ఇచ్చి డ్రైవింగ్ చేయించిన తండ్రిని పోలీసులు అరెస్టు చేశారు. ఈ ఘటనకు సంబంధించిన వీడియో సోషల్ మీడియాలో వైరల్ కావడంతో అధికారులు వెంటనే స్పందించారు. నిబంధనలకు విరుద్ధంగా వ్యవహరించిన తండ్రిపై పలు సెక్షన్ల కింద కేసులు నమోదు చేసి, కారును స్వాధీనం చేసుకున్నారు. అత్యంత ప్రమాదకరమైన రోడ్డుపై ఇలాంటి నిర్లక్ష్యం తగదని పోలీసులు హెచ్చరించారు.