చంద్రన్న మార్కాపురంగా మార్చాలి

మార్కాపురం జిల్లాకు ‘చంద్రన్న మార్కాపురం’గా నామకరణం చేయాలని ఎమ్మెల్యే కందుల నారాయణరెడ్డి కోరారు. ఈ మేరకు శాసనసభ స్పీకర్‌ అయ్యన్నపాత్రుడికి వినతిపత్రం అందజేశారు. ‘చంద్రన్న మార్కాపురం’ జిల్లా పేరుతో శాసనసభలో తీర్మానం ప్రవేశపెట్టాలని ఆయన విజ్ఞప్తి చేశారు. జిల్లా పేరు మార్చాలన్నది మార్కాపురం ప్రజల కోరిక అని నారాయణరెడ్డి పేర్కొన్నారు.