కేకతో గిన్నిస్ రికార్డు

ఆస్ట్రేలియాకు చెందిన 58 ఏళ్ల జోసెఫ్ మెక్‌గ్రాల్ బేటప్ అత్యంత గట్టిగా కేక వేసి గిన్నిస్ రికార్డును బద్దలు కొట్టాడు. అడవిలో సింహం చేసే గర్జన శబ్దం తీవ్రత 114 డెసిబెల్స్‌గా ఉంటే, ఈయన అంతకంటే ఎక్కువ శబ్దంతో పెనుకేక పెట్టాడు. కాన్‌బెర్రా నగరానికి చెందిన ఈయన 'నౌ' అని గట్టిగా అరిచి ఈ అరుదైన మైలురాయిని అందుకున్నాడు. పురాణాల్లోని వీరుల సింహనాదాలను తలపించేలా సాగిన ఈ రికార్డు ప్రస్తుతం అందరినీ ఆశ్చర్యపరుస్తోంది.