బోధన్‌లో వామపక్ష పార్టీల ధర్నా

ఎస్‌ఐఆర్ ప్రక్రియను వ్యతిరేకిస్తూ వామపక్ష పార్టీల ఆధ్వర్యంలో సోమవారం బోధన్ ఆర్డీవో కార్యాలయం ఎదుట ధర్నా నిర్వహించారు. అనంతరం ఆర్డీవో సాయికి వినతిపత్రం అందజేశారు. ఈ సందర్భంగా సీపీఎం నేత జంబిశెట్టి శంకర్ గౌడ్, సీపీఐ (ఎంఎల్) నేత పుట్ట వరదయ్య మాట్లాడుతూ ఓటర్ల జాబితాలో అక్రమ తొలగింపులు జరుగుతున్నాయని ఆరోపించారు. ఎన్నికల సంఘం స్వతంత్రంగా వ్యవహరించాలని, ఈసీ జ్ఞానేష్ కుమార్‌ను తొలగించాలని డిమాండ్ చేశారు.