బంట్వారం మండలంలో భూ వివాదం.. రైతుల ఆందోళన

బంట్వారంలో రెవెన్యూ, అటవీ శాఖల మధ్య భూ వివాదం రైతుల్లో ఆందోళనకు దారితీసింది. 53 ఏళ్ల క్రితం రెవెన్యూ శాఖ కేటాయించిన భూములను 114 మంది ఎస్సీ రైతులు అప్పటి నుంచి సాగు చేసుకుంటున్నామని తెలిపారు. తాజాగా అటవీ శాఖ అధికారులు భూములు తమ పరిధిలో ఉన్నాయని పేర్కొంటూ సరిహద్దుల పనులు చేపట్టడంతో రైతులు నిరసన తెలిపారు. తహశీల్దార్‌కు వినతిపత్రం సమర్పించి రెండు శాఖల రికార్డులను పరిశీలించి న్యాయం చేయాలని కోరారు.