బిహార్‌ మఖానాకు ఆస్ట్రేలియా మార్కెట్‌ బాట

బిహార్‌ నుంచి ఆస్ట్రేలియాకు తొలిసారిగా 18 మెట్రిక్‌ టన్నుల జీఐ గుర్తింపు పొందిన మిథిలా మఖానా సముద్ర మార్గంలో ఎగుమతి చేశారు. దర్భంగా రైతుల నుంచి సేకరించిన ఈ సరుకును ఏపీఈడీఏ సహకారంతో పంపించారు. ఈ ఎగుమతితో రైతులకు మార్కెట్‌ ధరల కంటే దాదాపు 18% అధిక ఆదాయం లభించినట్లు ఏపీఈడీఏ తెలిపింది. బిహార్‌ దేశ మఖానా ఉత్పత్తిలో 85% వాటా కలిగి ఉండగా, అంతర్జాతీయ మార్కెట్ల విస్తరణకు ఈ ఎగుమతి దోహదపడనుంది.