భద్రకాళీ అమ్మవారి శాకంబరీ మహోత్సవాలు

ఓరుగల్లు శ్రీ భద్రకాళి ఆలయంలో శాకంబరీ మహోత్సవాలు అత్యంత వైభవంగా కొనసాగుతున్నాయి. ఉత్సవాల్లో భాగంగా ఆరవ రోజు అమ్మవారిని సోమవారం ఉదయం విప్రచిత్తా మాతగా, సాయంత్రం మహావజ్రేశ్వరిగా దివ్య అలంకారంలో భక్తులకు దర్శనమివ్వనున్నారు. ఈ ప్రత్యేక వేడుకల సందర్భంగా సోమవారం ఉదయం శ్రీ భద్రేశ్వరస్వామి వారికి ప్రత్యేక అభిషేకాలు, పూజా కార్యక్రమాలు నిర్వహించారు. అమ్మవారిని దర్శించుకునేందుకు భక్తులు భారీగా తరలివస్తున్నారు.