భద్రాచలం ఆలయ ఉద్యోగ నియామకాల్లో రగడ

భద్రాచలం ఆలయంలో 24 ఉద్యోగాల భర్తీ ప్రక్రియ వివాదాస్పదమైంది. ఎంపికల జాబితాపై అభ్యంతరాలు వ్యక్తం కావడంతో, పలువురు దేవాదాయశాఖకు ఫిర్యాదులు చేశారు. నియామకాల్లో పారదర్శకత లోపించిందని కొందరు అభ్యర్థులు ఆరోపిస్తున్నారు. నిపుణుల సమక్షంలోనే ఎంపికలు జరిగాయని ఆలయ వర్గాలు స్పష్టం చేశాయి. నోటిఫికేషన్ తర్వాత కొన్ని పోస్టులను రద్దు చేసినట్లు వెల్లడించాయి. వివాదాల నేపథ్యంలో ఎంపిక ప్రక్రియపై ప్రస్తుతం చర్చ సాగుతోంది.