భక్తిశ్రద్ధలతో బాసర బాలాలయ ప్రారంభం

బాసరలో బాలాలయ ప్రారంభోత్సవం అంగరంగ వైభవంగా జరిగింది. ప్రత్యేక పూజలు, హోమాల మధ్య సరస్వతి అమ్మవారిని భక్తులు దర్శించుకున్నారు. పెద్ద సంఖ్యలో తరలివచ్చిన తల్లిదండ్రులు తమ పిల్లలకు అక్షరాభ్యాసం చేయించి మొక్కులు చెల్లించుకున్నారు. ఆలయ పునర్నిర్మాణంలో భాగంగా ప్రధాన గర్భాలయాన్ని మూసివేసి, ఆగమశాస్త్ర ప్రకారం పూజలు నిర్వహిస్తున్నారు. రూపురేఖలు మార్చేందుకు ప్రభుత్వం భారీ ప్రణాళికలు సిద్ధం చేసింది.